देवां में देवी बड़ी, और बड़ी अरासुरी माय,
लज्जा मोरी राखियो, कीज्यो म्हारी सहाय,
कीज्यो म्हारी सहाय, मैया शरण में आयो थारी,
जगदम्बे महारानी माँ, मैया लाज रख दीजो म्हारी।।
देवलिये रमजाय म्हारें आंगणिये रमजाय,
चौसठ जोगणी रै भवानी, देवलिये रमजाय
घूमर घालणि रै भवानी, आंगणीये रमजाय।
चौसठ जोगणी रै भवानी, देवलिये रमजाय
घूमर घालणि रै माता, आंगणीये रमजाय।
हँस सवारी कर म्हारी माता, ब्रम्हा रूप बणायों,
ब्रम्हा रो रूप बणायो म्हारी मैया, रम्हा रूप बणायो,
चार वेद मुख चार बिराजे, चारों रो जस गायों,
चौसठ जोगणी रै भवानी, देवलिये रमजाय
घूमर घालणि रै माता, आंगणीये रमजाय।
गरुड़ सवारी कर म्हारी माता, विष्णु रो रूप बणायों,
विष्णु रो रूप बणायों नव दुर्गा, विष्णु रो रूप बणायों,
गदा पदम संग चक्र बिराजै, मधुबन बंसी बजाई,
चौसठ जोगणी रै भवानी, देवलिये रमजाय
घूमर घालणि रै माता, आंगणीये रमजाय।
नंदी सवारी कर म्हारी मैया, शिवजी रो रूप बनायों,
शिवजी रो रूप बनायों, नवदुर्गा, शिवजी रूप बणायो,
जटा मुकुट मै गंगा खड़के, शेष नाग लिपटायों,
चौसठ जोगणी रै भवानी, देवलिये रमजाय
घूमर घालणि रै माता, आंगणीये रमजाय।
मोर सवारी कर म्हारी माता, कार्तिक रूप बनायों,
कार्तिक रूप बणायो म्हारी माता, कार्तिक रूप बनायों,
शक्ति धारण हाथ में ले ने, अनहद शंख बजायो,
चौसठ जोगणी रै भवानी, देवलिये रमजाय
घूमर घालणि रै माता, आंगणीये रमजाय।
सिंघ सवारी कर म्हारीं माता, शक्ति रो रूप बणायो,
शक्ति रूप बणायो नवदुर्गा, शक्ति रो रूप बणायो,
सियाराम तेरी करे स्तुति,
जयपाल परिवार करे तेरी स्तुति,
तुलसीदास जस गायो,
चौसठ जोगणी रै भवानी, देवलिये रमजाय
घूमर घालणि रै माता, आंगणीये रमजाय।